CHIROGRAPHUM*
Consociatio Internationalis Musicae Sacrae canonice instituitur
PAULUS PP. VI
Nobile subsidium Liturgiae, disciplinam dicimus Musicae Sacrae, qua mentes ad pietatem singulariter solent excitari, praeteritis temporibus curae fuit, estque in praesenti, Apostolicae Sedi; quod documentis Romanorum Pontificum luculenter comprobatur. Etenim hac de re copiose egerunt S. Pius X Litteris, a verbis «Tra le sollecitudini dell’officio pastorale» incipientibus dieque XXII mensis Novembris anno MCMIII motu proprio datis; Pius XI Constitutione Apostolica, cui, die XX mensis Decembris anno MCMXXVIII editae, appellatio est «Divini cultus sanctitatem»; Pius XII Encyclicis Litteris, quae, a prioribus verbis «Musicae sacrae disciplina» nuncupatae, die XXV mensis Decembris anno MCMLV emissae sunt, atque praeceptionibus, quae, «Instructio de Musica sacra et sacra Liturgia» appellatae, die III mensis Septembris anno MCMLVIII sunt vulgatae. Ioannes demum XXIII acta Decessorum suorum in memoriam revocavit, ac studium et progressionem Musicae Sacrae fovit sollerter; qua ex parte iuvat memorare Epistulam, a verbis «Iucunda laudatio» incipientem, quam die VIII mensis Decembris anno MCMLXI ad dilectum filium Hyginum Anglés Pamies, Pontificii Instituti Musicae Sacrae docendae Praesidem, ob quinquagesimum expletum annum ab eodem Instituto condito, dedit; atque ipsum Concilium Oecumenicum Vaticanum Secundum multis argumentis, in quibus versaretur, hanc etiam rem adiecit.
His Summis Pontificibus propositum erat, ut quotquot egregiae arti Musicae Sacrae operam dant, inter se et cum Apostolica Sede arctius coniungerentur; ut eidem Apostolicae Sedi praesto esset institutum quoddam internationale, cuius ope de necessitatibus, Musicae Sacrae propriis, certior fieret, quoque consulta Supremae Auctoritatis Ecclesiae de ipsa Musica Sacra ad effectum deducerentur; praeterea ut praecipue Missionariis auxilium praeberetur ad solvendam gravem magnique momenti quaestionem Musicae Sacrae in regionibus, missionali labore excolendis, atque varia hac in re incepta congruenti ratione inter se conecterentur; denique ut opera de Musica Sacra, prelo edenda, et studia de huius artis hereditate a maioribus accepta proveherentur.
In iis autem, quae supra dictae sunt, praeceptionibus de Musica Sacra (Cf. Instructiο de Musica sacra et sacra Liturgia, n. 117), Pius XII, Decessor Noster rec. mem., suasit, ut societates ad Musicam Sacram fovendam institutae numero multiplicarentur earumque fieret consociatio, sive nationales sive internationales, eo consilio, ut haec disciplina et ars felicibus incrementis augeretur.
Hoc igitur explentes optatum conspiratisque votis libenter obsecundantes, ab Episcopis nonnullarum nationum Nobis significatis, ea, quae sequuntur, decrevimus atque huius Nostri Chirographi vi decernimus:
I. Consociatio Internationalis Musicae Sacrae canonice instituitur, cui propria est condicio «personae moralis», cuiusque sedes Romae exstabit.
II. Patronus vero eius est Eminentissimus Cardinalis Sacrae Rituum Congregationis pro tempore Praefectus.
III. Eidem Consociationi propositum est, ut cooperationem concordemque actionem inter quam plurimos, qui sunt per orbem terrarum et ad quamvis pertinent nationem, studiose promoveat ad Musicam Sacram excolendam eiusque assequendum progressum secundum praescripta Ecclesiae.
IV. Sodalitatis huius Internationalis socii habentur alii iure proprio, alii aggregati:
a) Socii iure proprio sunt Instituta Musicae Sacrae, a Sede Apostolica approbata, et Societates Musicae Sacrae a legitima potestate ecclesiastica rite agnita.
b) Socii vero aggregati sunt alia Instituta et Societates, prout Coetui Moderatorum visum fuerit.
c) Privati etiam homines possunt in Consociationem cooptare tamquam aggregati, condicionibus tamen ab eodem Coetu Moderatorum praestitutis.
V. Compages vero Consociationis constat e Consilio Generali, e Coetu Moderatorum, atque e Secretariatu:
a) Consilium Generale e cunctis consistit sociis simul adunatis.
b) Coetus Moderatorum, qui Consilio Generali et ipsi Consociationi moderatur, constituitur Praeside ac duobus eius vice fungentibus; qui omnes, proponente ipso Consilio, a Summo Pontefice nominantur munereque tres annos funguntur, scilicet usque ad subsequentem Conventum Internationalem Musicae Sacrae, ad normam statuti n. VI, b.
c) Secretariatus constat Secretario et Arcario, qui ambo a Coetu Moderatorum absque praefinito tempore nominantur, quique Romae commorentur necesse est.
VI.
a) Consilium Generale, suprema praeditum auctoritate, de iis omnibus decernit, quae ad ipsam Consociationem pertinent. Excutit insuper et approbat relations de opere a Coetu Moderatorum patrato. Deliberat de futurorum sumptuum aestimatione et de rationibus accepti et expensi, ad Consociationem quod attinet.
b) Congregatur de more singulis trienniis, in Conventibus Internationalibus Musicae Sacrae, nisi aliter visum fuerit.
c) In Consilio Generali voto deliberativo gaudent socii iure proprio cooptati et Delegatus uniuscuiusque Nationis, ab Episcopis eligendus; voto consultivo et voce passiva gaudent socii universi.
VII. Muneris Coetus Moderatorum est ea, quae a Consilio Generali decreta sunt, ad effectum deducere.
VIII. Secretariatus ea universa agit, quae propria sunt muneris viri a secretis et ad rem nummariam pertinent, ductu Praesidis aut, si casus ferat, amborum simul vice eiusdem fungentium, qui omnes, pro casu, rei periculum et onus in se recipiunt.
IX. Personam eiusdem Consociationis gerunt Praeses, aut, eο impedito, ambo simul vice eiusdem fungentes.
X. Patrimonium Consociationis consistit e tributis sociorum, largitionibus inter vivos et mortis causa collatis a piis benefactoribus, et reditibus ex operibus Consociationis exorientibus.
XI. Coetus Moderatorum normas exsecutivas horum Statutorum debet exarare, quas Consilio Generali proponat ad discutiendum et approbandum. Haec ediximus et statuimus, contrariis quibusvis non obstantibus.
Datum Romae, apud Sanctum Petrum, die XXII mensis Novembris, in festo S. Caeciliae, anno MCMLXIII, Pontificatus Nostri primo.
PAULUS PP. VI
* AAS LVI (1964), pp. 231-234
Auszug aus der handschriftlichen Urkunde Nobile subsidium Liturgiae von Papst Paul VI.
zur kanonischen Errichtung der Internationalen Gesellschaft für Musica Sacra
Der Musica Sacra als hervorragender Stütze der Liturgie, durch die immer wieder die Herzen und Sinne in einzigartiger Weise zur Frömmigkeit angeregt werden, galt in der Vergangenheit und gilt heute die Sorge des Apostolischen Stuhls. Das wird durch Dokumente der Päpste eindrucksvoll belegt. So befaßten sich ausführlich mit diesem Anliegen: der heilige Pius X. in dem Motu Proprio „Tra le sollicitudine dell’officio pastorale“ vom 22. November 1903; Pius XI. in der Apostolischen Konstitution „Divini cultus sanctitatem“ vom 20. Dezember 1928; Pius XII. in der am 25. Dezember 1955 erschienenen Enzyklika „Musicae sacrae disciplina“ und in den Vorschriften, die in der „Instructio de Musica sacra et sacra Liturgia“ vom 3. September 1958 veröffentlicht wurden. Johannes XXIII. schließlich hat wiederholt die Verfügungen seiner Vorgänger in Erinnerung gerufen und das Studium und die Entwicklung der Musica Sacra umsichtig gefördert; als Beispiel sei hier das Schreiben „Iucunda laudatio“ erwähnt, das der Papst am 8. Dezember 1961 anläßlich des fünfzigjährigen Gründungsjubiläums des Pontificio Istituto di Musica Sacra an den geliebten Sohn Igino Anglés Pamies, Rektor dieses Instituts, gerichtet hat. Und nicht zuletzt hat das Zweite Vatikanische Konzil unter die vielen Themen, mit denen es sich befassen wird, auch diese Frage aufgenommen.
Es war das Anliegen dieser Päpste:
- daß alle jene, die sich für die hohe Kunst der Musica Sacra einsetzen, untereinander und mit dem Apostolischen Stuhl enger verbunden sein sollten;
- daß es beim Apostolischen Stuhl eine internationale Einrichtung geben sollte, durch die sich dieser über die Bedürfnisse der Musica Sacra unterrichten ließe und die für die Umsetzung der die Musica Sacra betreffenden Beschlüsse der höchsten kirchlichen Autorität sorgen sollte;
- weiters, daß vor allem den Missionaren eine Hilfe geboten würde für die Lösung der schwierigen und wichtigen Frage der Musica Sacra in den Missionsgebieten und daß die verschiedenen diesbezüglichen Ansätze in passender Weise aufeinander abgestimmt würden;
- und schließlich, daß die Herausgabe von Werken über die Musica Sacra und wissenschaftliche Untersuchungen über das von den Vorfahren überkommene Erbe dieser Kunst gefördert werden sollten.
In den oben genannten Vorschriften über die Musica Sacra (vgl. „Instructio de Musica sacra et sacra Liturgia“, Nr. 117) empfahl Pius XII., Unser Vorgänger seligen Angedenkens, daß die Zahl der Gesellschaften zur Förderung der Musica Sacra erhöht werden und aus diesen ein Zusammenschluß sowohl auf nationaler wie auf internationaler Ebene entstehen sollte, mit der Zielsetzung, dieser Wissenschaft und Kunst einen erfolgreichen Aufschwung zu ermöglichen.
Indem Wir also diesen Wunsch erfüllen und den Bitten, die von den Bischöfen einiger Nationen an Uns herangetragen wurden, gerne nachkommen, haben Wir Folgendes beschlossen und verfügen es durch dieses Unser Handschreiben:
- Die Consociatio Internationalis Musicae Sacrae (Internationale Gesellschaft für Musica Sacra) wird kanonisch errichtet. Sei besitzt den Charakter einer Rechtsperson und wird ihren Sitz in Rom haben.
- Ihr Schirmherr ist der jeweilige Kardinalpräfekt der Heiligen Ritenkongregation.
- Ziel der Gesellschaft ist es, die Zusammenarbeit und das einmütige Vorgehen zur Pflege der Musica Sacra und zur Förderung ihrer Entwicklung unter möglichst Vielen auf der ganzen Welt und bei allen Nationen gemäß den Vorschriften der Kirche zu intensivieren.
(…)
Dies haben Wir beschlossen und verfügt, ungeachtet aller gegenteiligen Verordnungen.
Gegeben zu Rom bei St. Peter am 22. November 1963, am Fest der heiligen Caecilia, im ersten Jahr Unseres Pontifikats.
PAPST PAUL VI.
(Übersetzung aus dem Lateinischen: Sigrid Spath)
