Chirograph Nobile subsidium Liturgiae (1963)

CHIROGRAPHUM*
Consociatio Internationalis Musicae Sacrae canonice instituitur
PAULUS PP. VI

Nobile subsidium Liturgiae, disciplinam dicimus Musicae Sacrae, qua mentes ad pietatem singulariter solent excitari, praeteritis temporibus curae fuit, estque in praesenti, Apostolicae Sedi; quod documentis Romanorum Pontificum luculenter comprobatur. Etenim hac de re copiose egerunt S. Pius X Litteris, a verbis «Tra le sollecitudini dell’officio pastorale» incipientibus dieque XXII mensis Novembris anno MCMIII motu proprio datis; Pius XI Constitutione Apostolica, cui, die XX mensis Decembris anno MCMXXVIII editae, appellatio est «Divini cultus sanctitatem»; Pius XII Encyclicis Litteris, quae, a prioribus verbis «Musicae sacrae disciplina» nuncupatae, die XXV mensis Decembris anno MCMLV emissae sunt, atque praeceptionibus, quae, «Instructio de Musica sacra et sacra Liturgia» appellatae, die III mensis Septembris anno MCMLVIII sunt vulgatae. Ioannes demum XXIII acta Decessorum suorum in memoriam revocavit, ac studium et progressionem Musicae Sacrae fovit sollerter; qua ex parte iuvat memorare Epistulam, a verbis «Iucunda laudatio» incipientem, quam die VIII mensis Decembris anno MCMLXI ad dilectum filium Hyginum Anglés Pamies, Pontificii Instituti Musicae Sacrae docendae Praesidem, ob quinquagesimum expletum annum ab eodem Instituto condito, dedit; atque ipsum Concilium Oecumenicum Vaticanum Secundum multis argumentis, in quibus versaretur, hanc etiam rem adiecit.

His Summis Pontificibus propositum erat, ut quotquot egregiae arti Musicae Sacrae operam dant, inter se et cum Apostolica Sede arctius coniungerentur; ut eidem Apostolicae Sedi praesto esset institutum quoddam internationale, cuius ope de necessitatibus, Musicae Sacrae propriis, certior fieret, quoque consulta Supremae Auctoritatis Ecclesiae de ipsa Musica Sacra ad effectum deducerentur; praeterea ut praecipue Missionariis auxilium praeberetur ad solvendam gravem magnique momenti quaestionem Musicae Sacrae in regionibus, missionali labore excolendis, atque varia hac in re incepta congruenti ratione inter se conecterentur; denique ut opera de Musica Sacra, prelo edenda, et studia de huius artis hereditate a maioribus accepta proveherentur. 

In iis autem, quae supra dictae sunt, praeceptionibus de Musica Sacra (Cf. Instructiο de Musica sacra et sacra Liturgia, n. 117), Pius XII, Decessor Noster rec. mem., suasit, ut societates ad Musicam Sacram fovendam institutae numero multiplicarentur earumque fieret consociatio, sive nationales sive internationales, eo consilio, ut haec disciplina et ars felicibus incrementis augeretur. 

Hoc igitur explentes optatum conspiratisque votis libenter obsecundantes, ab Episcopis nonnullarum nationum Nobis significatis, ea, quae sequuntur, decrevimus atque huius Nostri Chirographi vi decernimus: 

I.       Consociatio Internationalis Musicae Sacrae canonice instituitur, cui propria est condicio «personae moralis», cuiusque sedes Romae exstabit. 

II.       Patronus vero eius est Eminentissimus Cardinalis Sacrae Rituum Congregationis pro tempore Praefectus. 

III.      Eidem Consociationi propositum est, ut cooperationem concordemque actionem inter quam plurimos, qui sunt per orbem terrarum et ad quamvis pertinent nationem, studiose promoveat ad Musicam Sacram excolendam eiusque assequendum progressum secundum praescripta Ecclesiae.

IV.     Sodalitatis huius Internationalis socii habentur alii iure proprio, alii aggregati: 

a)  Socii iure proprio sunt Instituta Musicae Sacrae, a Sede Apostolica approbata, et Societates Musicae Sacrae a legitima potestate ecclesiastica rite agnita. 

b)  Socii vero aggregati sunt alia Instituta et Societates, prout Coetui Moderatorum visum fuerit. 

c)  Privati etiam homines possunt in Consociationem cooptare tamquam aggregati, condicionibus tamen ab eodem Coetu Moderatorum praestitutis. 

V.      Compages vero Consociationis constat e Consilio Generali, e Coetu Moderatorum, atque e Secretariatu: 

a)  Consilium Generale e cunctis consistit sociis simul adunatis. 

b)  Coetus Moderatorum, qui Consilio Generali et ipsi Consociationi moderatur, constituitur Praeside ac duobus eius vice fungentibus; qui omnes, proponente ipso Consilio, a Summo Pontefice nominantur munereque tres annos funguntur, scilicet usque ad subsequentem Conventum Internationalem Musicae Sacrae, ad normam statuti n. VI, b. 

c)  Secretariatus constat Secretario et Arcario, qui ambo a Coetu Moderatorum absque praefinito tempore nominantur, quique Romae commorentur necesse est. 

VI.

a)  Consilium Generale, suprema praeditum auctoritate, de iis omnibus decernit, quae ad ipsam Consociationem pertinent. Excutit insuper et approbat relations de opere a Coetu Moderatorum patrato. Deliberat de futurorum sumptuum aestimatione et de rationibus accepti et expensi, ad Consociationem quod attinet. 

b)  Congregatur de more singulis trienniis, in Conventibus Internationalibus Musicae Sacrae, nisi aliter visum fuerit. 

c)  In Consilio Generali voto deliberativo gaudent socii iure proprio cooptati et Delegatus uniuscuiusque Nationis, ab Episcopis eligendus; voto consultivo et voce passiva gaudent socii universi. 

VII.    Muneris Coetus Moderatorum est ea, quae a Consilio Generali decreta sunt, ad effectum deducere. 

VIII.    Secretariatus ea universa agit, quae propria sunt muneris viri a secretis et ad rem nummariam pertinent, ductu Praesidis aut, si casus ferat, amborum simul vice eiusdem fungentium, qui omnes, pro casu, rei periculum et onus in se recipiunt. 

IX.      Personam eiusdem Consociationis gerunt Praeses, aut, eο impedito, ambo simul vice eiusdem fungentes. 

X.      Patrimonium Consociationis consistit e tributis sociorum, largitionibus inter vivos et mortis causa collatis a piis benefactoribus, et reditibus ex operibus Consociationis exorientibus. 

XI.      Coetus Moderatorum normas exsecutivas horum Statutorum debet exarare, quas Consilio Generali proponat ad discutiendum et approbandum. Haec ediximus et statuimus, contrariis quibusvis non obstantibus. 

Datum Romae, apud Sanctum Petrum, die XXII mensis Novembris, in festo S. Caeciliae, anno MCMLXIII, Pontificatus Nostri primo. 

PAULUS PP. VI

* AAS LVI (1964), pp. 231-234

Extrait du document manuscrit Nobile subsidium Liturgiae du pape Paul VI.
sur l’établissement canonique de la Société internationale pour Musica Sacra

De cette noble aide à la Liturgie qu’est la Musique Sacrée, par laquelle les âmes sont singulièrement excitées à la piété, Le Siège Apostolique s’est préoccupé dans les temps passés et s’en préoccupe dans le présent, comme le démontrent abondamment les documents des Pontifes Romains. En effet, saint Pie X a abondamment traité ce sujet dans la Lettre « Tra le sollicitudine dell’officio pastorale » donnée sous forme de Motu Proprio le 22 novembre 1903 ; Pie XI également, avec la Constitution apostolique « Divini cultus sanctitatem » du 20 décembre 1928 ; Pie XII, avec la Lettre encyclique « Musicae sacrae Disciplina » du 25 décembre 1955 ; citons de même les normes publiées le 3 septembre 1958 sous le titre « Instructio de Musica sacra et sacra liturgia ». Enfin, Jean XXIII a rappelé les actes de ses prédécesseurs et soutenu vigoureusement l’étude et le progrès de la Musique Sacrée ; à cet égard, il convient de mentionner la Lettre «Iucunda laudatio», qu’il adressa, le 8 décembre 1961, à son fils bien-aimé Igino Anglés Pamies, Doyen de l’Institut Pontifical de Musique Sacrée, à l’occasion du cinquantième anniversaire de la fondation de cet Institut. Le Concile Œcuménique Vatican II a également inclus ce thème parmi les nombreux sujets qu’il a dû traiter.

L’intention de ces Souverains Pontifes était

  • que tous ceux qui s’occupent de l’excellent art de la Musique Sacrée se connectent plus étroitement entre eux et avec le Siège Apostolique;
  • que le Siège apostolique lui-même ait à sa disposition un institut international, avec l’aide duquel il pourrait mieux connaître les besoins propres de la Musique Sacrée, et au moyen duquel les délibérations de l’Autorité suprême de l’Église relatives à la Musique Sacrée pourraient être rendues effectives;
  • de plus, qu‘une aide soit offerte spécialement aux Missionnaires pour résoudre la grave et importante question de la Musique Sacrée dans les territoires de mission, et afin que les différentes initiatives dans ce secteur soient liées entre elles avec des critères appropriés;
  • enfin, que les publications sur la Musique Sacrée et les études sur l’héritage de cet art transmis par les siècles précédents soient promues.

Dans les normes relatives à la Musique Sacrée, mentionnées ci-dessus (Cf Instructio de Musica sacra et sacra Liturgia, n.117), notre récent prédécesseur, Pie XII, a suggéré que les sociétés créées pour favoriser la Musique Sacrée soient plus nombreuses, et qu‘elles se fédèrent, soit au niveau national soit au niveau internationlal, dans le but de développer efficacement cette discipline et cet art.

Par conséquent, pour réaliser ce désir et pour satisfaire aux vœux collectifs qui nous ont été signifiés par les évêques de certaines nations, nous avons établi les normes suivantes et nous les divulguons en vertu de notre chirographe:

I. Création de la Consociatio Internationalis Musicæ Sacræ, dont le statut est celui d’une personne morale, et dont le siège sera situé à Rome.

II. Son Chef est l’Eminence Cardinal Préfet pro tempore de la Sacrée Congrégation des Rites.

III. L’Association vise à promouvoir la coopération et la coordination entre le plus grand nombre possible de personnes de toutes les nations et cultures du monde afin de cultiver la Musique Sacrée et de promouvoir son progrès selon les prescriptions de l’Église.

(…)

Tout cela nous délibérons et établissons, nonobstant toutes choses contraires.

Donné à Rome, à Saint-Pierre, le 22 novembre 1963, fête de Sainte Cécile, première année de Notre Pontificat.

Pape Paul VI

(Traduction : Dom Pierre Le Bourgeois)